Parke Nazionala

1. Eremu natural edo ia natural zabalak dira, prozesu ekologiko handiak babesteko ezarritakoak, eremuaren ezaugarri diren espezie eta ekosistema multzoarekin batera, eta, gainera, ingurumenarekin eta kulturarekin bateragarriak diren aukera espiritual, zientifiko, hezitzaile, aisialdiko eta bisitarientzako oinarria ere eskaintzen dute. 2. Balio natural eta kultural handiko espazio naturala, gizakiaren jarduerak gutxi aldatua, eta zeinaren kontserbazioa Estatuarentzat interes orokorrekoa den. Espainiako legerian aurreikusitako natura babesteko maila gorena da (30/2014 Legea). Espainiako Parke Nazionalen Sarea hamabost eremuk osatzen dute gaur egun: Aigüestortes i Estany de Sant Maurici; Cabrera Artxipelagoko Itsas-Lurrekoa; Cabañeros; Caldera de Taburiente; Doñana; Garajonay; Galiziako Atlantikoko Uharteetako Itsas-Lurrekoa; Monfragüe; Ordesa y Monte Perdido; Picos de Europa; Guadarramako Mendilerroa; Sierra Nevada; Tablas de Daimiel; Teide; eta Timanfaya. Laster gehituko zaio Sierra de las Nieves (Malaga).