Censo de poboación

Esta fonte rexistra as características demográficas, socioculturais e económicas dunha poboación, como a idade, o estado civil, a nacionalidade, o nivel educativo e a situación laboral, entre moitas outras. É un documento estático (que reflicte o estado da poboación nun momento específico) e moi detallado debido á cantidade de datos que proporciona. En España, o Instituto Nacional de Estatística (INE) compílao cada dez anos (os que rematan en 1). Ata 2001, realizaba un reconto exhaustivo da poboación, pero desde 2011 baséase no Padrón Municipal e nunha enquisa a máis do 10 % da poboación.