Meseta

Superficie plana ou de pendente suave, cortada por vales e situada a unha determinada altitude sobre o nivel do mar. Na Península Ibérica, constitúe a unidade fundamental do relevo. É o vestixio dun antigo macizo que xurdiu durante a oroxenia hercínica (Paleozoico), erosionado e deformado durante a oroxenia alpina, que deu lugar ás cordilleiras interiores (Sistema Central e Montes de Toledo), ás concas sedimentarias interiores das submesetas setentrionais e meridionais e ás cordilleiras (Macizo Galaico, Cordilleira Cantábrica, Sistema Ibérico e Serra Morena).